Galmudugnews.com–Maamulaha Shirkadda Dahabshiil ee Koofurta Somalia Abdullahi Nuure Awdiini ayaa cabsi darteed ku jira dhuumaaleeysi kadib markii Muqdisho lagu khaarijiyay Walaalkiis Ahmed Nuure Awdiini oo ka dambeeyay dilalkii Wariyeyaal Soomaaliyeed oo laga tilmaami karo Agaasimahii Horn Afrik Saciid Tahliil Ahmed, Agaasimahii Waagacusub Media Abdirahman Mohamed Ali,Tifaftirahii Sunatimes.com Ahmed Abdullahi Fanax.
November 26, 2012 Ahmed Nuure Awdiini oo dhuumaaleeysi ku jira ayey kooxo hubeeysan ku toogteen  agagaarka Suuqa Bakaaro  maalmo kadib markii uu khaarijiyay Agaasimahii Waagacusub Media Abdirahman Mohamed oo meydkiisa la soo dhigay degaanka Suuqa Xoolaha ee Degmadda Huriwaa 26 September 2012.
Ahmed Nuure Awdiini oo ka tirsanaa Saraakiisha waaweyn ee Al-Shabaab wuxuu maalmahii ugu dambeeyay ee noloshiisa isku magacaabay inuu yahay Gudoomiyaha Ganacsatada Gobolka Banadir .
Dilaaga lagu dilay Muqdisho wuxuu Al-Shabaab u qaabilsanaa Khaarijinta Wariyeyaasha iyo Waxgaradka Muqdisho .
Ahmed Nuure Awdiini iyo Hassan Hanafi Haji waxay ahaayeen labadii qof ee khaarijiyay Agaasimahii Horn Afrik allaha u naxariistee Saciid Tahliil Ahmed.
Saciid Tahliil waxaa la toogtay isagoo la socda Ahmed Nuure Awdiini iyo Hassan Hanafi oo ka kaxeeyay Xaruntii Idaacadda Horn Afrik.
Ahmed Nuure Awdiini wuxuu ahaa ninkii Wareystay allaha u naxariistee Abdirahman Mohamed Agaasimahii Waagacusub kadib markii laga afduubay degaanka Suuqa Xoolaha.
Abdirahman looma arxamin ee markii laga waayay Password-ka iyo User name-ka lagu galo Waagacusub waxaa laga jaray madaxa kadibna dhabarka ayaa loo saaray.
Ahmed Nuure Awdiini iyo Walaalkii Abdullahi Nuure Awdiini marna kuma xisaabtamin in Wariyeyaasha ay sida joogtada u dilayeen qaarkood ka soo jeedaan qoys yaqaan aarsiga .
Shir ay Muqdisho iyo Galkacyo ku yeesheen beesha Marxuumkii ay dileen arxanlaabayaasha Ilma Nuure Aawdiini ayaa lagu yiri “Si kastoo laaluush loo siiyo Saraakiisha Dowladda Somalia hadana qoyska Agaasimahii Waagacusub hurdo wanaagsan ma seexan doonaan inta ay dunida ku xarakoonayaan qaar ka mida shaqsiyaadkii Ahmed Nuure Awdiini ku wehliyay Khaarijinta Wariyeyaasha Soomaaliyeed gaar ahaan Abdirahman Mohamed”
“Maamulaha Dahabshiil ee Koofurta Somalia Abdullahi Nuure Awdiini oo la ogyahay inuu ahaa Maskaxdii abaabushay dilka Agaasimaha Waagacusub Media isna dunida kuma xaash xaashi doono ,hadaan dhulka lala gooyn dadka uu ka dhashay Abdirahman Mohamed Hassan” ayey yiraahdeen qoyska Abdirahman.
Maadama Wariyeyaasha Somalia waayeen Cadaalad lagu Maxkamadeeyo kuwa dila maalin walba ee xoriyada ku laafyoonaya waxaa waajiba in gacan ku dhiiglayaasha abaabula dilalka Wariyeyaasha la ugaarsado oo madaxa laga toogto si cadawga Saxaafadda loo tuso xanuunka geerida iyo xaqa Cadaaladda.