galmudugnews.com

Home » WARARKA » Maamulka Faroole oo Raisul wasaarihii xilka ka degay ku amray inuu ka baxo Puntland iyo xiisad ka taagan Boosaaso

Maamulka Faroole oo Raisul wasaarihii xilka ka degay ku amray inuu ka baxo Puntland iyo xiisad ka taagan Boosaaso

on Oct 31st, 2012 // No Comment

Views 162545

Saraakiisha ciidanka Booliska maamulka Puntland ee magaalada Boosaaso ayaa la sheegay iney amar ku siiyeen raisul wasaarihii xilka ka degay ee Somalia C/wali Maxamed Cali Gaas inuu isaga baxo magaladaas iyo degaanada Puntland, iyadoo xiisad arintaas ka dhalatayna laga soo sheegayo magaalada Boosaaso.

Xildhibaan C/wali Maxamed Cali Gaas oo tan iyo markii uu xilka wareejiyey socdaal ku marayey degaanada Puntland ayaa waxaa la sheegay in saaka Taliska ciidamada booliska Gobalka Bari iyo maamulka gobolkaasi ay si deg deg ah ugu yeereen iyagoo ku amray inuu isaga tago degaanadaas.

Maamulka Faroole ayaa ka carooday kulamo raisul wasaairihii hore uu magaalada Boosaaso kula yeelanayey odayaasha qabaailka beelo ka horjeeda xili kororsiga halka sano ah ee madaxweyne Faroole uu damacsan yahay inuu xafiiska ku sii joogo.

Xildhibaan C/wali Maxamed Cali Gaas ayaa sidoo kale magaalada Boosaaso kulan kula qaatay Guddoomiyaha gobolka Bari C/samad Maxamed Galan kaasoo la sheegayo inuu ku dhamaaday fashil ka dib markii xildhibaan C/weli Gaas uu diiday dalab ka yimid gudoomiyaha gobolka oo ahaa inuu isaga tago magaalada.

Raisul wasaarihii hore ayey wararku sheegayaan inuu masuuliyinta Puntland si cad ugu sheegay inuusan degaanadas ka baxeynin, maadaama uu yahay nin reer Puntland Ah, waxaana arintan ay dhalisay xiisad dhinaca qabaailka ah oo laga cabsi qabo iney weji kale yeelato, waxaana amarkan degaanada Puntland looga saarayo C/weli Gaas la sheegaya inuu ka dambeeyo madaxweyne Faroole.

Ciidamo tirsan maamulka Faroole ayaa la sheegay iney habeen hore isku gedaameen dhisme ku yaala magaalada Boosaaso oo uu ku soo degay xildhibaan C/weli Gaas, iyagoo diiday in dhismahaas ay galaan odayaal iyo iyo siyaasiyiin doonayey iney kulan la qaataan raisul wasaarihii hore.

Xildhibaan C/weli Gaas ayaa waxaa la sheegay inuu arintaas si weyn uga carooday isagoo kulamo la qaatay saraakiisha Ciidamada Booliska magaalada Boosaaso, waxaana la sheegay in C/weli gaas laga dul qaaday ciidanka hoygiisa lagu wareejiyey ka dib markii uu ogolaaday amar sheegaya inuusan la kulmi Karin liis ay ku xusan yihiin magacyada illaa 13 qof oo ka mid ah siyaasiyiinta iyo waxgarad si weyn u diidan maamulka Faroole.

C/raxmaan Faroole madaxweynaha maamulka Puntland ayaa bilaabay inuu shacabka Puntland ku sanduleeyo iney aqbalaan xili kororsi hal sano ah oo uu damacsan yahay inuu xafiiska ku sii joogo ka dib markii ay u dhamaatay afar sanadood oo uu xilkaas hayey, waxaana Faroole uu adeegsanayaa ciidanka Puntland si uu u caburiyo siyaasiyiinta iyodadka ka soo horjeeda xukunka uu sida guracan ku raadinayo

Leave a comment

You must be Logged in to post comment.