Koox dabley ah ayaa lagu soo warramayaa inay saddex qof oo rayid ah shalay galinkii dambe ku dishay tuulada Oomane oo ka tirsan degmada Matabaan gobolka Hiiraan.
Guddoomiyaha degmada Matabaan, Maxamed Warsame Nuur ayaa sheegay in dilka raggii fuliyay ay baxsadeen, ayna ku howlan yihiin soo qabashada dadkii ka dambeeyay.
Guddoomiyaha ayaa sheegay in dilkan ujeedkiisa uu yahay siidi dadka gobolka Hiiraan ku wada nool colaad loo dhex dhigi lahaa, balse ay ku dedaali doonaan sidii arrimahaasi looga hor tagi lahaa.
Wuxuu sheegay in maamulkiisa uu falkaasi cambaareynaayo.
Seddexda ruux ee la dilay ayay wararka qaar sheegayaan inay ka tirsanaayeen culimada tuulada Oomane, iyadoo hal meel lagu wada dilay.
