galmudugnews.com

Home » WARARKA » Ilaalada Qaybdiid oo Jirdishay Wariyayaal Faafiyey Imaanshiyaha Caalin ee Gaalkacyo

Ilaalada Qaybdiid oo Jirdishay Wariyayaal Faafiyey Imaanshiyaha Caalin ee Gaalkacyo

on Oct 10th, 2012 // No Comment

Views 163525

Saddex weriye oo uu ka mid yahay weriyaha Bar-kulan ee magaalada Gaalkacyo Axmed Faarax ayaa maanta waxaa garaacay ilaalada General Cabdi qaybdiid Iyadoo Lagu Haytso Tabinta Imaanshiyaha Caalin ee Magaalada Gaalkacyo

Ilaalada Qaybdiid  ayaa garaacay suxufiyiinta kaddib markii ay amar ka heleen wasiir Baasto  oo weriyeyaasha ku haysta warbixin ay horraantii toddobaadkan ka tebiyeen madaxweynihii hore ee Galmudug, Maxamed Axmed Caalin oo iminka ku sugan magaalada Gaalkacyo.

Weriyeyaasha ayaa ka qeyb galayay kulan ka socday Hoteelka Embassy ee koonfurta magaalada Gaalkacyo  Mudo yar ayaa  waxaa soogaaray wasiirkiisa Warfaafinta Ahmed Baasto   kaddibna wuxuu amar ku siiyay inay isaga tagaan goobta iyagoo aan howshoodii dhammeysan.

Hasa yeeshee saddexda weriye ayaa ku gacan seyray amarkiisa, waxayna taasi sababtay inuu amar ku siiyay ilaaladiisa inay cawaaqibkooda mariyaan weriyeyaasha.

Ilaalada Qaybdiid  ayaa isla markiiba baadka qoryihii ay siteen waxay la dhaceen weriyeyaasha, iyagoo sidoo kalena la wareegay qalabkii ay wax ku duubaneyeen. Falka ayaa la sheegay inuu dhacay iyadoo Qaybdiid uu goob-joog ahaa.

Labada weriye ee kale ayaa u kala shaqeeya Royal TV iyo bogga GalmudugTV.

Weriyeyaasha la jir-dilay ayaa cambaareeyay falka oo ay ku tilmaameen mid lagu caburinayo saxaafadda xorta ah.

Kaliya sanadkan, waxaa magaalada Muqdisho lagu dilay in ka badan 13 weriye iyadoo falal kale oo lagu waxyeelleynayo howlwadeenno saxaafadeed ay ka dhaceen qeybo kale oo ka mid ah dalka.

Leave a comment

You must be Logged in to post comment.