Howllo dayactir iyo dib u dhis isugu jiray oo bilihii u dambeeyay laga waday garoonka diyaaradaha magaalada Caabudwaaq ee gobolka Galgaduud ayaa la soo gabagabeeyay.
Mukhtaar Macallin oo ka mid ah maamulka garoonka Caabudwaaq ayaa Bar-kulan u sheegay in inta badan dhismihii garoonka la soo afjaray, isla markaana diyaar u yahay in ay diyaarado ka duulaan kana soo degaan.
Wuxuu xusay in qeybta laanta socdaalka oo kaliye ay ka dhiman tahay dhammeystirka howsha garoonka, balse inta kale lagu guuleystay.
Mukhtaar ayaa intaas raaciyay in 11-ka bisha October garoonka ay ka duuli doonaan duullimaadyadii u horreeyay, iyadoo wixii ka dambeeya si caadi ah u billaaban doonto howsha garoonka.
Mashruucan dib u dhiska garoonka diyaaradaha Caabudwaaq ayaa waxaa ka qeyb qaatay ganacsatada iyo ardeyda magaalada oo gacan ka helaya qurba-joogta magaalada ka soo jeeda ee dalka dibeddiisa ku maqan.
