Shirkadda Internet-ka iyo telefoonada bixisa ee Somtel Dahabshiil Groups ayaa guud ahaan adeegeeda Internet-ka block ama xanibaad ka saartay Website-yada taabacsan Maamul goboleedyada Awdal State ,Khaatuma State iyo Galmudug State.
Inta la xaqiijiyay Somtel Somaliland waxay adeegeeda ka xanibtay 30Websites oo 16 ka mida yihiin kuwa taabacsan maamul goboleedka Khaatuma State of Somalia sida ay xaqiijiyeen tifaftirayaasha Website-yada iyo wariyeyaasha jooga Buhodle.
Tifaftiraha Website-ka Afbakayle Mr Cadnaan Saalax oo Warbaahinta la hadlayay ayaa yiri ” Internet-ka somtel Laascaano iyo Buhodle lagama booqan karo dhamaan lix iyo tobanka Website ee Khaatuma state,sidoo kale lagama booqan karo Website-yada aan kuu sheegay sida Sunatimes iyo Waagacusub laakiin qaar ka mida website-yada waxaan ka geli karnaa kaliya Telesom internet”
Tifaftirayaasha Kalshaale.com Xamse Xasan iyo Boocame.com Axmed Darwiish ayaa shirkadda Dhiigshiil ku eedeeyay inay fulineyso siyaasadda maamulka beeshooda ee Ahmed Siilaanyo.
Website-yada Khaatuma State taabacsan ayaa Internet-ka Somtel looga xanibay inay bulshada akhrisan warbixinadooda khaatumeysan,waxayna kala yihiin
1- khaatumo.com
2- Allssc.com
3- boocame.com
4- Boocameonline.com
5- Realtaleex.com
6- Nugaalmedia.com
7- horufadhi.com
8- afbakayle.com
9- lasanod.com
10- xargaga.net
11- holhol.net
12- kalshaale.com
13- Ceegaagmedia.com
14- Jidbaale.com
15- Buhodle.net
16- Khaatuma.com
Isgaarsiinta Somtel oo hoos tagta Shirkadda Dahabshiil Groups waxay sidoo kale Block saareen Website-yada taabacsan Maamul goboleedka Awdal State kuwaas oo kala ah.
1- Sawnews.net
2-awdalnation.com
3- awdalstate.com
4-awdal.so
5- heemaalnews.com
6-Samaronmatters.com
7-Harowo.com
Isgaarsiinta Dahabshiil ee Somtel Somaliland waxay hore u xanibtay booqashada Website-yada Galmudug State iyo kuwa madaxbanaan waxayna kala yihiin.
1- Galmudugnews.com
2- Galmudugtv.com
3-Qurbejoog.com
4-Beeldeeq.com
5- Waagacusub.com
6-Halbeegnews.com
7- Sunatimes.com
Ururka Suxufiyiinta Soomaaliyeed ee ASOJ ayaa Shirkadda Dahabshiil ku eedeeyay inay dagaal xoogan kula jirta madaxbanaanida Saxaafadda ku hadasha afka Somaliga.
“Dahabshiil Groups waxay laba laabtay caburinta Saxaafadda madaxabanaan ee Somalia sidaas darteed waxaanu ku guda jirnaa dacwad Caalamiya taas loo gudbiyay Qaramadda Midoobay waaxda qaabilsan ilaalinta xoriyada Saxaafadda madaxabanaan”ayey tiri Xoghayaha guud ee ASSOCIATED SOMALI JOURNALISTS Mrs Fadumo Farah.
Fadlan hadii aad tahay Wariye caburin ama tacadi kala kulmay Dahabshiil Groups la xiriir info@asoj.org.
