Oraah caan ka ah ardaaga cilmiga dawladnimada iyo kan diplomaasiyada ayaa tiraahda (“Power tends to corrupt and absolute power corrupts absolutely.”) awoodda furani si furan ayay wax u fasaadisaa ama u halaysaa, qofka haysta xilka aan lagala xisaabtamini sida uu doono ayuu ugu tagri fashaa, Mudane Cabdiwali Cali Gaas oo nin aqoon leh ah waxaa uu tusaale u noqon karaa in ay aqoontu u baahantahay qof ay gasho, guri kastaa waxa uu qiimo ku leeyahay asaaskiisu sida uu u adagyahay, aqoontuna waxay u baahantahay qof shaksiyadiisu tahay mid miisaaman.
Xogaha loo geeyay DR Gaas oo uu ku go,aan qaatay waa loogu garaabi karaa maxaa yeelay masaafada aqooneed ee dhaqanka Soomalida iyo soo tiisheeda iyo faqriga ka haysta qaabdhismeedka beelaha Soomaliyeed waliba guriga uu ka yimid ayaa keenay inuu go,aano khalad ah abraaro -What You See Depends upon where You Sit. Laakiin waxaan loogu cudur daarayn, waxay ay gaystaan ama isaga marsadaan dadka uu huga iyo dhaaraanka ka dhigtay oo agaasimiisa hanfadaha ahi ugu horeeyo Mr Cabdiwali oo aan lahayn aqoon maamul, talo qabeenna ahayn, DR Gaas ma mudna inuu faraha la galo caloosha qabaa’ilka waliba marka ay timaaddo nabaro iyo soo jireen ah oo doog kicinaya.
Gaas oo haatan ah Murashax madaxweyne haddii uu wadiiqadaas waddo goodirka ah sii hayo waxa uu waayi doonaa dad badan oo uu rajaynayo, oo ay ugu horeeyaan Issimadii Garoowe ku gaaray talada Guud waxa ku soo qaybsaday,.
- Ma gu’ yaree see Cali tashigu uga gulaallaaday?
- Guhaad laguma falo ruux hadday gogoshu kuu taalle
- Gaadiid ku qaadiyo haddaad gelin lixaad weydo
- Gurgur lama shiraystiyo hashii geela ka irmaane
- Guntana laga ma jaro geed hadduu kuu gabbaad yahaye
Gaas waxa uu ogyahay in Col Abdiqani Suldaan Xasan uu walaalkii curadka ahaa Suldaan Yuusuf Suldaan Xasan ciidan u diray kana jabiyey saddex meelood, inuu Kornaylku ku dhaawacmay duleedka Magaalada Gaalkacyo dagaalkii Sacadka iyo Majeerteenka oo uu iminka allaha caafiyee curyaan u yahay sababtaas, Gaas waxa uu ogyahay in uu kornaylku RAYDABKHAATUMO dad shacaba ku laayay waqtigii Dawladii milatariga ahayd walina uusan ka cudur daaran, sidoo Kale Kornaylku uu gabdhahii waxdadda ahaa xijaabka ka diirdiiri jiray xilligii uu madaxda u ahaa Nabadsugudda Magaalada Burco, kornaylku waxa uu abaabul , hub uruuris, heemid colaadeed ka sameeyey degaanka howdka ee u dhaxeeya wardheer iyo Galaadi oo ay sababtaas ku dhinteen dad gaaraya 200 iyo dhaawac gaaraya 300 oo rayid u badan, Kornayl Abdiqani waxa uu dhab ahaan yahay dagaal ooge, cabdiweli ma lama qumanaan karto inuu ninkaas fongoran uu kaarbeet cas u dhigo haddii aan qaraxii wax u dhimin.
