Galmudugnews.com Laba bil gudaheed ayey isbedel horumar weyn xambaarsan ku tilaabsadeen Xukumadda cusub ee maamul goboleedka Galmudug.
Inkastoo horumarka Galmudug hareeyay ee dhinaca diblomaasiyadda iyo siyaasadda ay gacan ka geysteen bulshada ku abtirsata Galmudug hadana Ciyaartooyda kubadda sida wanaagsan u ciyaaray waxaa ka mida Laacibiinta kala ah:
1- Wasiirka Xiriirka Caalamka Mohamed Ali Nur
2- Wasiirka Kaluumeeysiga Hassan Samatar Gacaliye
3- Wasiirka Maaliyadda Abdullahi Jamac Shire
4- Wasiirka Caafimaadka Dr Hussein Sheekh Nuur
Afartaan Wasiir waxay isbedel weyn ku sameeyeen Galmudug.
Waxay ku guuleeysteen in shirkii wadatashiga Somalia la siiyo Galmudug tiro la mida tii la siiyay Puntland.
Waxay ku guuleeysteen dhaqaalaha la siiyo Somaliland iyo Puntland miisaaniyad la mida in Xukumadda Mareykanka siiso Galmudug taas oo socon doonta shan sanadood ,dhana 57000$
Waxay ku guuleeysteen in Xukumadda Somalia laga saxiixo heshiis nuxurkiisu yahay in Galmudug la siiyo miisaaniyada ay ku leedahay deeqaha Caalamka iyo gunada maamul goboleedyadda.
Waxay ku hoowlan yihiin sidii beelaha dega Mudug iyo Galgaduud looga iibin lahaa inay taageeraan qadiyadda Galmudug sida beesha Cadaado iyo tan Guriceel.
Waxay ku hoowlan yihiin in gogol nabadeed ay dhigaan Bandiiradleey si hogaamiyeyaasha dhaqanka,siyaasadda ,diinta ,dhalinyarada iyo gaashaandhiga beelaha Galmudug loo heshiisiiyo.
Bulshada ku abtirsata Galmudug ayaa u riyaaqday habka hoowlkarnimada leh ee guulaha waaweyn ay ugu tilaabsatay Xukumadda cusub ee Galmudug.
Isbedelka cusub ee Galmudug iyo hoowlkarnimada Wasiiradda waxay meesha ka saartay kibir qooqii fadhiidnimada ku dhisnaa ee lagu yaqiin shaqsiyaadkii loogu yeeri jiray magacyada Baasto iyo bariis kuwaas oo aaminsanaa inay xilalka u hayaan jufooyinkooda,lagana qaadi Karin.
Sida muuqato Maamulka Galmudug wuxuu diyaar garoow ugu jiraa sidii loo dooran lahaa hogaan sare ,iyadoo awood qeybsigana laga dhigi doono mid cadaalad ku dhisan .
Beelaha ugu daacadsan Galmudug sida Saruur iyo Shiikhaal ayaan saami u qalma laga siin kuraasta ugu muhiimsan Maamul goboleedka Galmudug.